હેલ્લો ફ્રેન્ડસ આજે આપણે બનાવીશું એકદમ ટેસ્ટી અને ક્રિસ્પી એવા પાલક ચણાની દાળના વડા , આ એકદમ ટેસ્ટી અને ક્રિસ્પી બને છે અને આને બનાવવામાં વધારે સમય પણ નથી લાગતો સાથે જ તમે આને સાંજના નાસ્તામાં કે બાળકોના લંચ બોક્ષમાં પણ બનાવીને આપી શકો છો જયારે કોઈ મહેમાન આવવાના હોય ત્યારે પણ આ તમે નાસ્તામાં બનાવી શકો છો સાથે જ આ ખુબજ હેલ્ધી છે કેમકે આમાં ચણાની દાળ અને પાલકનો આપણે ઉપયોગ કર્યો છે તો ચાલો આને કેવી રીતે બનાવવા એ જોઈ લઈએ.
તૈયારીનો સમય – ૫ – ૧૦ મિનીટ
બનાવવાનો સમય – ૧૦ મિનીટ
સર્વિંગ ૩ – ૪ વ્યક્તિ
સામગ્રી :
૧ કપ ચણાની દાળ
૪ – ૫ લીલા મરચા
મીઠું સ્વાદ પ્રમાણે
કોથમીર
જીરું
ચીલી ફ્લેક્સ
૧ વાટકી સમારેલી પાલક
તેલ
રીત :
1) સૌથી પહેલા ચણાની દાળને પાણીથી ધોઈ ૪ – ૫ કલાક માટે પલાડીને રાખીશું પછી એને એક કાણાવાળા વાટકામાં કાઢી લો જેથી વધારાનું પાણી ઉતરી જાય, હવે એને મિક્ષર જારમાં લઇ લો એમાં મરચા ઉમેરી પાણી વગર જ વાટી લો થોડું કરકરું આનું મિશ્રણ રહેશે
2) હવે એને એક વાટકામાં લઇ એમાં સમારેલી પાલક અને બાકીના બધા મસાલા કરી સરસ રીતે મિક્ષ કરી લો પછી એમાંથી હાથથી થેપી આ રીતે ટીક્કી જેવો શેપ આપો
3) વડાને ગરમ તેલમાં મીડીયમ ગેસ પર તળી લો.સરસ આવા ગોલ્ડન બ્રાઉન અને ક્રિસ્પી આને તળી લો
4) હવે આ એકદમ સરસ ટેસ્ટી અને ક્રિસ્પી વડા સર્વિંગ માટે તૈયાર છે
