ઉનાળાની શરુઆતજાય એની સાથે જ આખા વર્ષની સુકવણીની વસ્તુ બનાવવાની શરૂઆત થઈ જાય આજે આપણે બનાવીશું ચોખાના લોટ ની સેવ .આ સેવ બનાવવી ખૂબ જ સરળ છે અને એને એર ટાઈટ ડબ્બામાં ભરીને આખું વર્ષ સ્ટોર પણ કરી શકો છો તોચાલો એને કેવી રીતે બનાવવી તે જોઈ લઈએ
સામગ્રી :
- ૫૦૦ ગ્રામ ચોખા નો લોટ (૧ તપેલી )
- ૧૦ ગ્રામ પાપડખાર(પાપડિયો ખારો )
- ૨ તપેલી પાણી (લોટ માપ્યો હોય એજ તપેલી )
- ૧/૨ ચમચી અધકચરું વાટેલું જીરું
- ૧૦-૧૨ વાટેલા મરચા
- મીઠું સ્વાદ પ્રમાણે
રીત :
1)સૌથી પહેલા ચોખાનો લોટ લઈ ચાળી આ રીતે તપેલી માં ભરી દો
2) હવે એ જ તપેલીનામાપથી ૨ તપેલી પાણી લઈ ગરમ કરવા મુકોઅને તેમાં મીઠું અને જીરું ઉમેરી ઉકળવા દો
3) ૫ મિનીટ પછી એમાં વાટેલા મરચા ઉમેરી ફરી ૫ મિનીટ ઉકાળો
4) હવે એમાં પાપડિયો ખારો ઉમેરો અને ૫ મિનીટ ઉકાળો પાણી ને ટોટલ ૧૫ મિનીટ ઉકાળી લેવાનું છે
5) હવે ગેસ ધીમો કરી એમાં ચોખાનો લોટ ઉમેરો તેને નીચે ઉતારી વેલણ ની મદદ થી સરસ મિક્ષ કરી લો
6) તવી ગરમ કરવા મુકો અને તેના પર આ ખીચાનું તપેલું મૂકી ધીમા ગેસ પર ૧૦ મિનીટ રહેવા દો
7) સેવ બનાવવાનો સંચો લો અને તેમાં જે જાડી સેવ ની જાળી આવે છે એ અત્યારે વાપરવાની છે તો સંચાને અને જાળીને તેલ લગાવી ખીચું તેમાં ભરી દો
8) આ રીતે કોટન ના કપડા પર સેવ બનાવો અને એને તાપમાં કે ઘરમાં સુકાવા દો
9) ૩-૪ દિવસ માં સેવ સરસ સુકાઈ જશે
10) તેલ સરસ ગરમ કરી આ સેવને તળી લો
11) હવે આપણી ચોખાની સેવ તૈયાર છે
નોંધ :
લોટ સરસ રીતે મિક્ષ થવો ખૂબ જરૂરી છે જો કોરો લોટ રહી જાય તો એની કણી પડે અને સેવ આખું વર્ષ સારી ના રહે તો એ વાતનું ખાસ દયાન રાખવું ,સેવ નું ખીચું પાપડ કરતા ઢીલું હોય તો જ સેવ સરળ રીતે પાડી શકાય ,ચોખા જુના હોય તો પાણી થોડું વધુ જોઈએ