જો ભીંડા ભરવાનો સમય નથી તો એક નવી જ રીતથી બનાવો આ ટેસ્ટી મસાલેદાર શાક

હેલ્લો ફ્રેન્ડસ આજે આપણે બનાવીશું સરસ ટેસ્ટી અને મસાલેદાર મસાલા ભીંડી , આ ટેસ્ટમાં ખુબજ સરસ બને છે સાથે જ આને બનાવામાં સમય પણ ઓછો લાગે છે , જો તમારા ઘરમાં ભરેલા ભીંડા બહુ ભાવતા હોય અને જો તમારી પાસે ભીંડા ભરવાનો સમય ના હોય ત્યારે આ રેસીપી ખુબજ ઉપયોગી થશે અને આ શાકમાં ભરેલા શાકની શરખામણીમાં ઓછા તેલ મસાલાનો ઉપયોગ થાય છે અને આ શાક તમે ટીફીનમાં કે લંચ બોક્ષમાં પણ બનાવીને આપી શકો છો તો એકવાર જરૂર ટ્રાય કરજો

તૈયારી નો સમય – ૧૦ મિનીટ

બનાવાનો સમય – ૧૦ મિનીટ

સર્વિંગ – ૩ – ૪ વ્યક્તિ

સામગ્રી :

૫૦૦ ગ્રામ – ભીંડા

૨૦૦ – ૨૫૦ ગ્રામ – બટાટા

૧/૨ વાટકી ચણાનો લોટ (૭૦ – ૮૦ ગ્રામ)

૧/૪ વાટકી સીંગદાણા (૫૦ ગ્રામ)

૩ – ૪ ચમચી તેલ

૧/૨ ચમચી જીરું

૧ ચમચી વાટેલા મરચા

૧/૨ ચમચી હળદર

૧ – ૨ ચમચી લાલ મરચું

૧ ચમચી ધાણાજીરું

૨ નાની ચમચી ખાંડ (ઓપ્શનલ)

મીઠું સ્વાદ પ્રમાણે

સમારેલી કોથમીર

રીત :

1)સૌથી પહેલા ભીંડાને ધોઈને કોટનના કપડાથી સરસ લુછી લેવા ત્યારબાદ તેની પાતળી લાંબી ચીરી કરી લો . એ જ રીતે બટાકાને છોલીને તેની પણ લાંબી ચિપ્સ કરી લેવી , સમારેલા બટાકામાં થોડું પાણી નાખી દેવું જેથી એ કાળા ના પડી જાય .

2) જે ચણાનો લોટ લીધો છે એને એક પેનમાં લઇ કોરો જ શેકી લેવો , આને ધીમા થી મધ્યમ તાપ પર ૨ – ૩ મિનીટ શેકવાનો છે .

3) એક કડાઈ માં તેલ ગરમ કરવા મુકો , તેલ ગરમ થાય એટલે એમાં જીરું નાખો , જીરું તતડી જાય એટલે ગેસ ધીમો કરી એમાં હળદર અને વાટેલા મરચા ઉમેરી સાંતળી લો , ત્યારબાદ એમાં સમારેલા બટાકા નાખો અને સ્વાદ પ્રમાણે મીઠું ઉમેરી ઢાંકીને મીડીયમ ગેસ પર ચઢવા દો .

4) બટાકા ૫૦ – ૬૦ % જેવા ચઢે એટલે એમાં સમારેલા ભીંડા ઉમેરી દો અને એને મીડીયમ ગેસ પર ૩ -૪ મિનીટ કે બંને વસ્તુ સરસ ચઢી જાય ત્યાં સુધી થવા દો .

5) હવે એમાં મરચું અને ધાણાજીરું ઉમેરી મિક્ષ કરી લો અને હવે આને ઢાંકવાની જરૂર નથી ખુલ્લું જ ૧ – ૨ મિનીટ થવા દો.,જો ઘરમાં કોઈને આવું સાદું ભીંડા – બટાકા નું શાક ભાવતું હોય તો આ રીતે બનાવી શકો અથવા થોડું અલગ કાઢવું છે તો પણ કાઢી શકો .

6) આ શાકમાં આ સમયે થોડી ખાંડ ઉમેરી ગેસ ફાસ્ટ કરી અને સરસ મિક્ષ કરી લો , ખાંડ મિક્ષ થઇ જાય એટલે એમાં શેકેલો ચણાનો લોટ , શેકીને અધકચરા વાટેલા સીંગદાણા અને થોડો ગરમ મસાલો ઉમેરી મિક્ષ કરી લો .